జస్టిస్ చౌదరి చిత్రం లోని బాలు గారు పాడిన ఒక అద్భుతమైన పాట ఇది. బాలు గారి గాత్రానికి నటనా సార్వభౌమ శ్రీ నందమూరి తారకరామారావు గారి అద్భుతమైన నటన ఈ పాటకి ఆభరణమ్. ఈ పాటని చూడాలంటె ఇక్కడ క్లిక్ చేయండి. వినాలంటే ఇక్కడ క్లిక్ చేయండి.
చిత్రం : జస్టిస్ చౌదరి (1982)
దర్శకుడు : రాఘవేంద్రరావు
సంగీతం : చక్రవర్తి
రచయిత: వేటూరి
చట్టానికి న్యాయానికి జరిగిన ఈ సమరంలో
ధర్మానికి రక్తానికి జరిగిన సంగ్రామంలో
కడుపు తీపికి కట్టుబడని తీర్పు
కన్నీటికి కరిగిపోనిదీ తీర్పు
ఇది ఆ దైవమే ఇచ్చిన తీర్పు
తప్పా తప్పా తప్పా .... never
I am in the hands of law
Anything happens...its not my flaw.
కఠినమైనది ధర్మం
కళ్ళు లేనిది న్యాయం
మనసు లేనిది చట్టం
మనిషి జన్మకిది ఖర్మం (2)
న్యాయమూర్తిగా నేనున్నప్పుడు
న్యాయస్తానం నాదైనప్పుదు
నాకు మీరు లేరు
నేను నేను కాను
ఇది ఆ దైవమే ఇచ్చిన తీర్పు
తప్పా తప్పా తప్పా .... no
సత్యం కోసం హరిశ్చంద్రుడు సతీ సుతులను ఎదబాసినది
గర్భవతిని సీతమ్మను రాముడు కారడవికి పంపించినది
కన్న తల్లినే కాదని కర్ణుడు రాజ్య త్యాగం చేసినది
కన్నా కొడుకునే కాదని నేనీ కన్నీటిని దిగమింగుతున్నది
ఎందుకోసం ...ఆ .... ఎందుకోసం ..
దహించినా అది ధర్మం కనుక
సహించాలి అది సత్యం కనుక
క్రుశించినా ... నే ... నశించినా.. అది న్యాయం కనుక
ఆ న్యాయమే నా దైవం కనుక
చట్టానికి న్యాయానికి జరిగిన ఈ సమరంలో
ధర్మానికి రక్తానికి జరిగిన సంగ్రామంలో
కడుపు తీపికి కట్టుబడని తీర్పు
కన్నీటికి కరిగిపోనిదీ తీర్పు
ఇది ఆ దైవమే ఇచ్చిన తీర్పు